ပရူဒန်ရှယ်အာမခံသည် Prudence ဖောင်ဒေးရှင်းမှတစ်ဆင့် မတ်လ ၂၈ ရက်နေ့တွင် ဖြစ်ပွားခဲ့သော မြေငလျင်ဒဏ်အတွက် မြန်မာငွေကျပ် ၁၂၆ သန်း ပံ့ပိုးကူညီ

မတ်လ ၂၈ ရက်နေ့တွင် ဖြစ်ပွားခဲ့သော မြေငလျင်ဒဏ်ကြောင့် ထိခိုက်မှုရှိခဲ့တဲ့ ဒေသများအတွက် ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ ပိုမိုလုပ်ဆောင်နိုင်ရန် ရည်ရွယ်ကာ ပရူဒန်ရှယ်အာမခံသည် Prudence ဖောင်‌ဒေးရှင်းမှတစ်ဆင့် မြန်မာငွေကျပ် ၁၂၆ သန်းကို ပံ့ပိုးကူညီခဲ့ပါတယ်။

မြန်မာပြည်သူပြည်သားများနှင့် အတူတကွရှိနေမယ့် ကျွန်ုပ်တို့ရဲ့ ကတိကဝတ်အတိုင်း မြေငလျင်ဒဏ်ကြောင့် ထိခိုက်ပျက်စီးခဲ့သော‌ဒေသများတွင် အရေးပေါ်လိုအပ်လျက်ရှိနေသော ဆေးဘက်ဆိုင်ရာ အထောက်အကူပစ္စည်းများ၊ အစားအစာ၊ သန့်ရှင်းသောရေ၊ ယာယီအမိုးအကာများနဲ့ နေအိမ်များပြန်လည်တည်ဆောက်ခြင်း၊ အသက်မွေးဝမ်းကြောင်းများ ပြန်လည်ထူထောင်ရန် အထောက်အပံ့များအတွက် ပရူဒန်ရှယ်အာမခံကနေ ပါဝင်ကူညီပေးအပ်သွားမှာ ဖြစ်ပါတယ်။

ယခုဖြစ်ပွားခဲ့သော မြေငလျင်မှာ ထိခိုက်ခံစားရသူများအားလုံးနဲ့ အတူတကွရှိနေပြီး၊ ခက်ခဲသောအချိန်များတွင်သာမက အနာဂတ်လမ်းကြောင်းမှာလည်း အားလုံးနဲ့အတူ ရှိနေမှာ ဖြစ်ပါတယ်။